23 May, 2008

No.33: Tunkum

Kumin chu thil chi hrang hrang ka tawng nasa hman hle mai. A tha lam aiin a chhe lam a tam zawk lehnghal a. Amaherawhchu Pathian hnathawh leh a thutiam a a rinawmzia min hmuh chiantir tu anni tih ka hmu chho zel. Tunkum Zoram ka hawn hmasak (Jan/Feb) in kum 6/7 dawn kalo hman tawhloh Mizo inneih leh thihna ka rawn tawng phawt a, China ka let leh hnuin sorkar in visa apply chungchangah rules anlo ti danglam a, harsatna liantham em2 chu nilo mahse rilru kap tunin ka han awm leh phawt a. (Min enkawltuten passport an thehluh tlai avangin 'working visa' ka hmuh hmain ni hnih ka overstay hman ani. Mahse overstay man approx.Rs 6000 vel pek ngai miah lova, ka thawhna Uni.ten min tihfel sak diam dan te kha thil mak tak ani.) Chutah ka u accident tawh avangin thlakhat chawlh lain Aizawl pan ahan ngai leh rum rum te. China ah kalo let leh hnu ni 5 lekah nasa tak lir ahan nghing lehnghal. Sawi tur a tam hle mai.
Ka thil tawn zawng zawng chu sawi ka tumlo.Ka u damlohna chungchanga Pathian kaihhruaina leh a thiltih mak takte hi upbo pui atan chuan ka phal hlawl lo ani ber e.

India lamah thlasik chawlh (Jan/Feb) ka hmang zo chauhva, thla 1 leh a chanve awrh hna ka thawk leh hman chauh tihin, Aizawlah ka u (unau neichhun) feet 10 vel ko atanga tlain a nunna hial hlauh mai thei dinhmuna a din thu 11th April khan minlo hrilh thut mai a. Tichuan (13th April-12th May) khan Aizawl lam ka pan leh ta rum rum a. He chhiat thila Pathian hnathawh ropui takte (kan chhungkaw tan chuan miracles) avangin lawmthu minlo sawipui mawlh mawlh nan ka han tarlang ange:

1. Ka u tlakna hi , Saron vengah ani a, Civil hospitalah dah ani. Ko chung atanga motor siamna hmun, thir chhia leh thil hriam takte awmna hmuna tla ani a, a sahuat (vital organs) pakhatmah a khawihlo hi thilmak a tling ani. A mitmu tak khawih chhe silovin, a dinglam mit ko chung atanga a khabe thleng thuk takin a thler thla hawk a. A taksa dang engmah a tina tello bawk. (Kan hriat danin, a tlakna ngaihah chiah hian midang lo tla ve tawhin, a nunna a chan ani.) A tlakna enin, a nunna chhanhima a awm hi a makin a ropui kan ti thlawt ani.

2. Khualkhua a na kan nih avangin, eng angin nge an kalpui thin tihkan hre chiah lova.Thisen a hlauh nasat em avang khan a nunna hial derthawng kha ani a. Mahse thisen unit 10 lai an pek kha, a sumin emaw, thisen veka chhungte atanga donate/replace leh tura min tilo kha kan tan chuan thil mak a tling.

3. Ka u accident zan in, zai ngai dang/accident tawk damlo dang awm miah lovin, (vun,ha,ruh) specialist thah doctor pathum rualin duhthusamin an khawih rawn thei kha ava lawmawm lehzel em!

4. Doctor ten an zai laiin a lungphu leh mar an hlauh hman a. Doctor te hial beisei bo hnuah Pathianin a chhanchhuak leh ani.

5. A accident zan hian, hmelhriat miahloh leh la hmuh ngai miahloh Pi Tluangi (Rev.Rualkhuma nupui - Pathian hla sa thin Isak Malsawmtluanga nu ani awm e) leh a thian thenkhatte tawngtai tura hmun dang pana kal, Aizawl civil hospital bul anlo thlenin a 'tul' ta tlat mai a. A chhan pawh hriat silohvin hospitalah kal ngai tlatin thlarauvin a hriattir a. Hreh chung chungin, hospital gate panin a 'tul' chhova. A chhan a hre bik silo. Hmun danga kal a tum pawhin a kal thei hlawl bawk silo. Chuta kan chhungte lo ding pakhat hnenah chuan,"Engnge min hrilh duh i neih?" a ti tawl mai a. Tichuan kan chhung chuan ka u accident chanchin alo hrilh a. Chutah, blood bank a a dawn tur thisen chunga tawngtai turin Pathianin a hriattir leh ta a. Ka u thisen dawn tur te, amah zai mektu Doctor te leh an hmanrua hman tur te chenin Pathian hnena hlanin tawngtaina an hmang ta ani. He thil mak tak hi chiang vak lovin kan hre thuak a, mahse kar hnih hnu velah amah Pi Tluangi ngei ka u tlawh tura lo kalin min rawn hrilh a, chiang zawkin kan hre ve chauh ani. Khualkhuaah hmelhriat ngai miahloh hmanga Pathian hnathawh mak tak zawng ani!

6. Ropui leh em em dang chu, tawngtaina khati zozai a dawng kha. Aizawl, Lunglei, Shillong, China leh Australia a kohhran tamtak ten an tawngtaipui kha chhanin a awm tih hi. Kohhran bik pawh awm lovin, kohhran hrang hrang (Bap, Presby, UPC, Salva-tion, etc) thahnem takten an tawngtaipui ani tih kan han hre lehzel kha a ropui thlawt ani. Aizawl veng hrang hrang ami, a hmaa min hre ngailo tute pawh anlo lenluh changa kan chanchin min zawh atangin, 'eeee...nangni inni maw? kan kohhranah kanlo tawngtaipui asin', anti thei deuh zel khan mizo leh ringtu nih a tinuamin, rilru hi a tihlim takzet. "Lalpa, keini chhung hi engnge maw kan nih a heti ema min hmangaih ni?" ka ti vawng vawng.

7. Khati khawpa nunna hial hlauhthawn awm khawpa na khan, kar hnih leh a chanve lek hnuah mahni insaseng thei vek khawpin a tha chhuak leh a, doctor te hial mak tih khawpin a tha chak kha a ropui tawp!

8. Khualkhua a harsatna tawk kan ni a, min lainattu chhungte leh thiantha rinphak baka thahnem nitin min tlawhtu kan hmu khan rilru a khawih hle mai. ICU ward a awm lai atang tawhin, pawnah hian hmun awhtu tamber ni khawpin min thutpui hmur zel mai a. ENT ward a a insawn hnuah lah, nitin inkan hun a thlen hi chuan damlo dang thutthleng hawh ngai khawp leh nurse te hialin, "chhuak then mai teh u" tih ngai khawp a min lainattu leh min tawiawmtu zawng zawng te Pathian malsawmna rah liau2 ani tih hriain, a let tamtakin malsawm mawlh rawh se tih hi ka tawngtaina ani.

Tunah chuan ka u pawh tawngtaina avang chauhin rin phak bakin dam lam a pan chho mek a. Operation tenau leh khawih ngai neuh neuh chu la awm mahse, a pawimawh ber, a nunna a him a kan lawm hle tawh ani. Mangang, bangbo, taksa leh thlarau nun chau taka kan awmlai te chenin kan Pathian hi a thutiamah a rinawmin a dingnghet ani tih hi a chiang em em a. Mi tam thei ang berin kan chunga a rinawmzia hi hre ve se tih hi ka duhthusam ani.

16 comments:

  1. A ngaihnawm hle mai. Ni e, engkim mai hi amah ringtute tan a ruatfel sak thin tih hi a dik khawp mai. Kan vanduaina te pawh hi a chang chuan a hmel lan nan a hmang ve duh thin bawk a. A malsawmna ka dawn zo zai hi sawi hian a siak lo ni berin kei ngei pawh hian ka hre thin. Lalpa chu fak mawlh teh ang u.

    ReplyDelete
  2. I u chu a that zel ka beisei.Pathian hnathawh dan hi chu a mak thin teh e.

    I kuhva min rawn te kan lo ei theih phah a..hehehe..

    By the way,i bolok a Mizo tawnga i post hmasaber a ni em aw?

    ReplyDelete
  3. @Puia: Inni ve thin em ka hrelova, a chang chuan kan tlinloh leh felloh ang anga Pathianin minla awmpui/kaihruai/hre duh hian, min hmangaih bik riauva inhriatna hi ka nei fo thin. Taksa lamah min sawi nasat poh leh thlarau lamah malsawmna tamtak kan dawng leh thin lawi si a. Pathian thil rel dan hi chu a mak ani.

    Seki, i hre dik e. Mizo tawnga post hmasa ber ani e :) Ang ve viau lo mo? lolz

    ReplyDelete
  4. Jinx, i u accident tawh a pawi ka tih rualin Pathian khawngaihna in dawn a ropui hle mai..I u a ni tih ka lo hre lova, a accident lai vel khan, ka u in Aizawl atangin a rawn phone a, tawngtaipui turin, kan lo tawngtaipui nghal a. I u nen an inkawm thin a ni awm e, lo zawt chhin rawh, Mahmangaiha a nia. I u chu a that chhoh zel ka duhsak e.

    Hei tunlai remrema & beii Mumbai an awm lai a ni a, beii pa damlohna avangin an rawn kalpui a. Remreman thusawina hun min hmansak thei a, kan lawm rualin kan kham lo hle.

    ReplyDelete
  5. A van zialo han ti dawn ila, Pathian thatna heti zozai I rawn ziah chhuah phah a a ropui hle mai. I u chu a that zel ka beisei.

    ReplyDelete
  6. Maruat: Small world eh?? :)Ka u chu kalo zot don nia. A tha chho zel e. Khalam thleng2 in inlo ttpui a ropui hle mai. Taksa chang nilo, a thlarau dam nan pawh inlo ttpui zom zel donnia.

    @Jerusha: I ti lomom hle mai. Keipoh ka ti, harsatna atanga lawmna/hlimna/chakna a chantir theitu Pathian kan nei hi chu, kan vannei ka inti teh asin.

    ReplyDelete
  7. EH!! A va zialo ve. Mihring hi a tluan reng theih loh anih hi tiro? I u chu lo tha leh thuai thuai rawh se. Cuz zaithiam te i nei a? :D

    ReplyDelete
  8. Ni ngawt mai Joseph. Mahse tluang ta pur ilang chuan Pathian kan theihngilh daih amo ania nga tiro? Heti zawnga ngaihtuah chuan,tluanloh pawh hi hrehawm thin teh mahse, a thatna lai awm veleh tho sia..huizzz

    Nia hei,zaithiam 'family' ah kanlo nei ve reng chu niin :) Mz chuangchhuak khat ta ngang chu chhungte pawh alo in hriatloh theih ngei mai. Nikum atang chiahin ka cuz te anni tih ka hre ve a, thla hmasa khan kan inhmu ve chiah! Chhungte ah zaithiam an awm tih ka hriat thar tak atang phei chuan, zaithiam ve ta riauin ka inhria a, sa..re..ga..ma..(gale mein kich kich..clearing throat)ka ti deuh reng toh mai mole...hahahhaha

    ReplyDelete
  9. A va han pawi e aw, dear Jinx. Chanchin rawn update zel rawh, kan tawngtainaah te kan lo hre zel ang. A pawi hle mai...

    Nia kei pawn mak ka ti khawp mai, mizo tawnga in rawn blog ve ringawt te hi. Ka ngaisang zual che ku Jinx. Tiang ang Mizo bloggers ho sap tawnga blog ho hi chu ka ti thei vak lo...

    ReplyDelete
  10. Thanks Kima.Ka u pawh a inenkol chho zel a,a tha veleh mai ang. I u pawh tawngtainaah kalo hre ve reng ania.Lo tha zel roh se.

    Nia hei,engtik emaw ah mizo tawnga kala blog duh don avangin, i Mizo bloggers directory ah poh English leh Mizo tiin kalo dah anih kha :) Sakhaw kaihhnawih lam thil mizo tawnga post ka tum rilruk vang ania.

    ReplyDelete
  11. Dear jinx, i u athazel tih ka hriatin Pathian hnenah lawmthu awm rawh se. Ka tawngtai khan ka thla amuang tlat mai a, thlaraulamah pawh hmasawnna tur ani sim sim, heti khawpa thihna laka chhanhim anih hi angaihtuah fo don. I harsatna paltlang zozaiah Pathian thatzia leh enkawlna i dawnga, a lawmawm hle mai.

    ReplyDelete
  12. Khawfing chah dawn lai taka khua a thim zual ang bawk hian, harsatna kan tawh nasat lai ber hi hun tha min hrin chhuah sak tu tur a ni chawk..wish ur sis a speedy recovery..

    ReplyDelete
  13. I thil tawn a namia lo khawp mai.. mahse engkima lungawi a tuarchhuah theih hi Pathian atana chhuak chauh a ni...i nun hi a awhawm khop mai.

    ReplyDelete
  14. @Sino: Ni e, kha Pathianin a hma atanga alo hriattir daih che ringawt te pawh kha thil mak tak ani.Ka hawn hma atang tawha min tawng thlamuan kha kala hrereng asin.

    @Lulian: I ti lawmawm hle mai. Ka u ti ringawtin kalo ziak a kha, ka u mipa ania. Ani pawh a tha chho ve bek2 e. I sawi ang deuh hian, ringtu nun thang tur chuan harsatna kan tawh hi a tul hun hi a awm ve miau sia, kan dawnsawn dan a pawimawh dawn khawpin ka hria.

    @Sawmpuia: I tidik khawp mai. Pathian atang chauh lo chuan harsatna te hi tuarchhuah a har ani.Harsatna kan tawh hian, vui mai lova rinna a minti thang liantu atana hman thiam hi a pawimawh dawn khawp mai.

    Nun awhawm tih kawngah chuan, kan thlarau nun tawn hi inthlak reng: a changa chhuk, a changa chho leh thin anih avang hian, i nun a chhoh laiin kei kalo chhuk theia. Chutiang bawkin i nun a chhuk laiin kei kalo chho ve thei bawk. Chuvangin bang lova kanin tawngtaipui tawn fo hi a pawimawh hlein ka hria.

    ReplyDelete
  15. A ngaihnawm a, a ropui hle bawkin ka hria. Keipawh ka han hawn lai khan ka nau kan zai a. Thla a phang deuh khawp mai. Mahse a ni pawh Pathian zarah dam takin damdawiin a chhuahsan a, ka lawm hle a ni.

    Shillong sawi takah chuan ka khawsa ve hrep tawh a sin.. Thanseia Sailo te khi ka pute an ni. Kum 1960 vela Shillonga awm tawh an ni awm e..

    ReplyDelete
  16. Hi there... tlaikhaw hnuaah ka rawn comment ve e. Mama kha ka lainat lutuk a, damdawiina ka kal zan khan i pa nen chauh kan inhmu a. Mama pawh a that chhoh zel ka beisei, ka rilru ah a awm ve reng thin. Malsawmna tam leh zual zawk a nunna Pathianin a tihlanna tur a ni ang e.

    ReplyDelete