14 September, 2008

No.41: Mid-Autumn Kut

Mid-Autumn Festival
14th September 2008
Vawiin hi China kut pawimawh tak pakhat 'Zhong Qiu Jie' (Mid-Autumn Festival) ni ania, a hmei a pain an phu suau suau ani ber mai. He kut denchhen hian naktuk (Monday) hi chawlh a puan ani bawk.
Zanin thla a eng bial pap a, zirlai ho pawnah he kut lawmnan intihhlimna an nei a, thil chi hrang hrang (lam, zai etc) ti khawmin hun an hmang a, an ri dur dur bawk a. Zirlai naupang pathum leh ka American thawhpuipa anlo len thut avangin ka kal ve thei ta lem lo. He hun hi kut pawimawh tak anih avangin, chhungkua a an hman theihloh pawhin thianza hova chaw ei hona tal an nei ngei ngei thin.
Keipawh chhun lamah foreigners thian dangte nen inkhawmna hun kan neih zawhah, ka naute hovin zan chaw an rawn ei khawm dawn avangin ka haw hma a. Anmahniin duhtawkin an khaw chawhmeh 'sipicial' theuh siamin ka inah an rawn kal khawm a. Inchung lamah rawngbawl chhung chu ka awmsan daih a, anni inhnuai lamah duhtawka engthawlin rawng an bawl suau suau va, an te chel chul ngaihthlak te hi nuam tak ani. Hostel a awm annih hlawm avangin hetiang hun pawimawh, chhungte thlahlel tak si, awmkhawm thei silo ho keiin kalo hui khawm ve ani ber mai. Mahni in ang taka an rawn khawsa thei hi nuam an tiin lawmthu pawh min hrilh bang lo ve ani. Kei atan lah nuam ka ti ve em em bawk si....a nuam huaiz ani ber e :)
Kumtin hian kan Uni. in Mooncake 'sipicial' box khat leh thei, ramdang zirtirtute hi min pe ve ziah a. Tunkum phei chu a hun hma ni 5 velah min pe daih tawh a, holiday anih vang aniang e. Chuan Uni. hian zirlai naupang zawng zawng (30,000 bawr) ho mooncake pahnih theuh an pe ve ziah bawk. Naupang thenkhatin mooncake leh thei chi hrang hrang te min rawn hlan sap sap a, a bik takin, ka zirlai naupang ho kum hnih/khat kalta a zirchhuak ta, hmun hran hran a hna chelh tawh ten minla rawn hrechhuak ve a duhsakna sms/phone/e-mail a min rawn hlan sap sap phei chuan rilru hi a tihlim takzet! Kumdang anglo takin, vawiin an kut chu, awmze nei tak leh nuam ti taka ka hman ber tum ani awm e.

9 comments:

  1. Seki-a blog lamah chuan momo an siam suau suau mai :)

    ReplyDelete
  2. @luliana..hehe..kan siam zo tawh:-)

    Nawm hmel leh si ve. i moon cake chu tui hmel a kawm atang chuan.:-)
    Keini pawh kan University in min sem hlawm a, tui ka ti vak hran lo.

    Zhong Qiu jie kuai le!

    ReplyDelete
  3. Nia kha lulian,hnatlang an kal tha bawk a, an siam tui hmel khop mai :P

    Seki, Uni in ramdang zirtirtu min pek ho hi chu tui tak ani ringawt. Mahse zirlai ho an pek erawh chu thlum tur mai hi ania, zirlai ho pawhin an ei tha peihlo. A awm tho, zirlai an tam eeeeeemmm bawk ani. Pahnih theuh a han sem chuan thamtham tak ania.

    ReplyDelete
  4. Weinch, nawm hmel reuh ve. In ei tur te pawh tui hmel deuh alawm. Kan duh chi hlir :D hehe

    ReplyDelete
  5. Tih leh hunah chuan ka sawm ve tawh ngei2 ang ce Father :)

    ReplyDelete
  6. Heti lamah pawh Moon Cake bawk! :) Moon cake bak hmuh tur hi a vang khawp mai China/chinese related post ho ah hi chuan...

    *Ka la ei ve loh vanga ka thik vang che u a rawn sawi ve mai mai a ni ka nih*

    :)

    ReplyDelete
  7. Va inthlunghrang leh si ve Lal Illusionaire. Kalo eikep mai che kha :)

    ReplyDelete
  8. Huis - bad timing. Ka en thra duh lo ka ril tram turu lutuk!

    ReplyDelete
  9. uh oooh nih chu mole...lo kal roh, tui deuhin rong kanlo bawl sak ang che :)

    ReplyDelete