20 April, 2009

No.48: Ngaihzawng

Khawvela kan awm chhungin thil chi hrang hrang kan kal tlang a. Chung zinga nun tinuam pawl tak chu 'ngaihzawng' neih hi ani awm e. Ngaihzawng neih a, kan hmangaih a, min hmangaih let ve tluka nuam hi a awm dawn amoni te ka ti hial. Engmah harsatna awm lova, induh leh induh han awmdun phei chu nuam tak ani. Mahse a hrehawm chang pawh a awm thin ve thin tho mai. Inhmangaih tawn si, khaw hmun khata awm siloh hian hrehawm tak ani.

Khaw hranah pawh awm ila kan duhberte ngaihtuah chuan rilru ah an han cham veng veng a, awm hi a nuam em em a. Phone, sms, chat leh e-mail an hnen atanga han hmuh phei hi chuan rilru a hlim hliah hliah thin. Nghakhlel takin an aw hriat chakin leh message min thawn leh hun nghakin kan han awm a. Chutah alo thleng ngei a, lawmin kan zuang tawr tawr thin lo chauh ani. Amaherawhchu, kar hla na na na chu, a taka hmuh mai tur awm silo, email leh phone atang ringawt chuan thil hote ah pawh inhriatthiamlohna (misunderstandings) neih lah hi a awlsam em em a. In hriatchian tam hma phei chuan hahthlak chang a tam thin. Chuvang chuan inbiakpawh (communication) tam tluk a awm theilo.

Kar hla a ngaihzawng nei angah lo inchan ta theuh ila. Kan bialpa/bialnu khan min be pawp duh ta tlatlo mai se, rilru na leh rilru hah reng reng in kan awm phah ngei ang. Aw, min han be pawp hram se chuan ka rilru a dam mai tur. Thu pakhat tal pawh han tiri se ka tan chuan thu tamtak sawi ang ani dawn si a. Eng vanga min be pawp duh tlatlo nge? Min hmangaih tak tak lo nge ngaihzawng dang anei ta? tih leh ngaihtuahna dang dang neiin rilru hah teuhin kan awm ngei ang. Chanchin inhriat/inhrilh tam miau loh chuan, inhriat chian a theih lova, inhmangaihna pawh a nghetlo thei.


Ka rilrua a lo luh tak dan chu, Pathian nen a kan 'relationship’ pawh hi kar hla a ngaihzawng neih nen in an na riau a awm tih hi. Pathian nena relationship tha tak neih dawn chuan, inbiakpawh (communicate) tam a ngai khawp mai. Kan hmangaih kan tih a kan biakpawh that duh tlat loh chuan kan hmangaih thuk lo viau ani theia, chhawm nun kan tum loh chuan kan hlat tulh tulh anga, a tawpah phei chuan hmangaihna a dai thei dawn alo ni. Pathian chuan a mobile hum reng chung leh computer bulah kan online hun nghakhlel takin min chang reng thin. Kan phone, sms, chat, e-mail, lekhathawn hun nghakin (kan tihdan ang chu nise) a ‘hui’ pap pap anga, a vei tawn ve zak zak maithei ani.


Min hmangaih thu lekhathawn (love-letter) tihtakzetin Baibulah chipchiar takin min thawn tawh a. Min 'break-up' pui ve mai mai dawn lova, rinawm takin a tawp thlenga min hmangaih a intiam a. Nupui/pasal atan min duh ngawih ngawih a, inneihpui atan min sawm (propose) reng a. Kan hmangaih let ve hun, nupui/pasal a kan pawm theih hun nghakhlel takin minlo ngaichang reng. Inneih hnuah pawh nupa hlim tak kan nih tur leh min then (divorce) ve mai mai loh tur zia a ziak lang nghal bawk.

Hmangaihte chungchang a tam thei ang ber kan hre chak thin a, an duhzawng leh hlimna tur zawn/tihsak kan chak hliah hliah thina,
chutiang tih chuan inpawh/inhmangaih lehzualna a siam thin. Chutiang bawkin, ka hmangaih tawh ti leh la hmangaih ve lova inhria te tan, Pathian duhzawng leh duhlohzawng hriat nan te leh hlim taka kan siam theih nan chuan biak (contact) tam hi a ngai khawp mai. Chuvang chuan, kan phone (tawngtai) mawlh mawlh hi a pawimawh em em a. Pathian chu englai mahin a ‘offline’ ve ngai lo tih kha hria ila, engtiklai pawhin; kawnga kan kallai, motor a kan chuan lai, class kan kal naah, kan hnathawhnaah te be deuh reng mai ila, kan hmangaihna chu a pung ngei ang. A tam lua a awm theilo. A hmangaihna kan rinhlelh chuan, a love-letter min thawn (Baibul) kha chhiar nawn leh ila, pawh that leh dan zawng ila. Ani lam atang chuan engtiklai mahin disconnection a nei ve ngai silova-‘no problemo’ ani ringawt. Keimahni leh kan duhthlannah ah a inghat lian em em thung. I contact mawlh mawlh teh ang u.


(Thiante u, rilrua awm ang pawhin ka ziak chhuak thiam veleh peklo ani e. Minlo chhiar mam sak mai dawn nia
:P)

18 comments:

  1. vang hle mai! i dam alom maw??

    i ziak tha e. Ni e, chunglam khi chuan min break lovang, kan break zawk chung pawhin min rawn zawng char2 zawk a ni...

    ReplyDelete
  2. Haha( ka nui lok ange aw ! )
    Hemi i ziah copy hi sms in thawn tawp mai rawh ?heheh

    Motivate tu a tha tuar tuar bawk a, ngaihnawm hle mai. I rawn kawi lut nalh hle mai :-)

    ReplyDelete
  3. Hetiang zawnga ngaihtuahna i lo seng hlauh chu keini tan malsawmna a ni ngei e. Kotlang hrang hrang atanga thlir hi a tha hrim hrim a. Hringnun hi kan thlirdan a inchen loh ang bawkin kan pawm thiam dan leh kan hriat thiam dan pawh a inchen vek lo thei a. Hetianga felfai tak chi thuk taka i kuai her thiam hi a ropui dangdai ka ti khawp mai.

    Ralkhat atanga chhas neih chu keini ang rual tan chuan lo theih loh a ni a, inngaihtuahna a na duh a, eng emaw dam loh nikhuaah ngat phei chuan a hreawm vawn vawn thin khawp mai. Chuaimah chuan i sawi ang hian Van lam khian min contact tha duh lovang tih hi a hlauhawm ber zawka chu niin ka hria.

    ReplyDelete
  4. A ngaihnawm khawp mai, chhiar a nuam.min tin ten kan feel thin a nih avangin, tu tan pawh relevant vek mai si. A ngaihnawm tak zet.

    ReplyDelete
  5. Hotunu chu i thlir dan a dangdai bik hle mai, beng a tivar hawk hawk alawm.Khilam chu sms leh email hman loh chang pawh awm se, miss call theih tho a ni tihte min hriatchhuahtir. Tum khat Delhia ka awmlaiin, TNT hotupa Pu Sangthankima Delhi ah a rawn kal a, a thusawinaah, "Hetia ka awm mai mai pawh hi Pathian ka be reng a ni. Ka thutna atanga ka rawn pen chhuahlai pawh kha amah chu ka be reng a ni", a ti. Ani phei kha chuan chunglam a chatpui thin a nih chu! Tha hle mai

    ReplyDelete
  6. Ka rin ang chiah.. hotunu hi chu a lo zei ru riau :D

    In hmangaih leh inneih lam i rawn ziah tak hi chuan ka thiante arrange marriage a nupui/pasal nei ho ka hrechhuak thut mai. An ni thenkhatte chuan inneih zanah an in hmu ve chauhva, a lo fuh vak loh chuan an phu ve zawk e, an ti *GRIN*

    A reng reng in hemi topic chu i va ziak thiam em em... a tawp a "no problemo" a i ti khi chu ka star bawn tawp!!! :) Pathian a offline ngailo tih lai pawh khi ka duh best! Great read, hotunu.

    ReplyDelete
  7. ziak tha e, ni e, chung lam line khi chu a tlang tha khawp mai, a call-tu zawk hi kan line na busy reng mai thin chu a nih hi.

    Ka link che aw..

    ReplyDelete
  8. @Zaia: Ka dam tha e. Khaw lum ve deuh hun ka nghakhlel hle.Engtiklai pawha min hmangaih rengtu kan nei hi kan vannei em asin.

    @Seki: Hei i request angin ka ron ti e.A dang zawng chu a ngai ngai in ka ka post tha leh mai...Mr Anonymous :)

    Ka ron thon che ah ngai mai la....kalo thup ve em em a,i ron inpuang ringawt alom mole :P

    Ka rilru a a awmna a rei tawh a hetiang zawng hian mahse ziakin ka dah lawklo mai ani e. Lesson tha tak zirtur alo awm reng alawm le. Rinaah kan 'stagnant' tih inhre reng chung pawhin, van lama sms thawn chhoh aiin lei lama thiante/min duhsaktute hnen atanga hahchawlhna zawn mai hi awlsam tak alo ni.Van lam han hawitheuh mai ila harsatna chu min chhawk thuai mai ani :)

    ReplyDelete
  9. @Puia & Epis: Thiampuipa ten minlo chhiar sak a min encourage chu ka lawm takzet. Duh ang zan a ka sawifiah thiamlo erawhchu ka duhkhawplo ve hle.Thlirna, Pathian lam atang leh Mihring te-ringtu leh ringlo tu atang te a fiah taka ziah thiam ka chak hle.

    @Maruat: Nie. missed-call erawh chu a awm ve thin anih hi tiro. Mahse kan call chu a hmu reng a, a chang chuan kan thatna turin alo pick-up lawklo ve thei bawk.Kan tawngtaia Pathian in min chhanna hrang hrang - Yes, No, later tih te min ti hrechhuak e a :)

    @Illu: Ka tawngkam thiam lutuk hi min star lutuk teh suh :)

    I thiante arranged marriage i sawina ki ka hre chiahlo na chu, keini chu kan vannei tiraw. Min duhtu kan hre tawh a, engang mi nge anih kan hre tawh bawk a (Baibul atangin), a bak zawng chu kan duhthlanna ah a nghat a, min tilui/neilui ve dawn silo. Midang tihluihna vanga neih theih ngawt chi pawh ani bawk silo. Kan personal choice ah a innghat lian triah triah asin.

    @Varte: Tehreng. Ilo leng lut a i ti lawmawm e.

    ReplyDelete
  10. I va vang ve a..i thil ziah chu, ka tum loh dan daihin a tawp lehnghal... :D

    Upa Lalthanzama thusawi ka la hriat reng chu, "Van network hi han busy ve thut mai se, a buaithlak duh awm"...

    ReplyDelete
  11. Ekhai, chanloh khanah a chhuak tlat mai, a tha hle mai, sermon ropui tak a nih hi.

    ReplyDelete
  12. E khai he post zet chu rilru a va khawih ve. Hmanah fellowship naah Pu Vawna (B. Vanlalvawna, IFS) thusawi hi ka hre reng. "kan nu nen kan inngaihzawn lai hian, kar hla takah kan awm a. inrinhlelhna ten kan khat thin a, mahse, Lal Isua hi ngaizawng ve ve ang tiin rem kan siam a, tichuan, kan hlim phahin, relationship atan a tangkai em em a ni" a tih thu kha. He thu nen hian a inhmeh riau mai.

    ReplyDelete
  13. This comment has been removed by the author.

    ReplyDelete
  14. eeeh.. i lerh...tak tak i ziak tha lutuk.

    ReplyDelete
  15. @Luliana: Ka tiphu zok che alo chu? :) Lehpekah chuan i tum dan chiahin kalo titop toh don nia omz hehehe

    @Vana: Thnx ltks :)

    @Father: Lomom e. Shanghai an om laiin Pu Vawna te chu ka thlenin ber te anni thin a, an relationship hi a awhawm khawp mai. Pathian ah an innghat dun bawka.

    @Thinchia: Ka lerh tih i hreve chiah a...hman2 atang toh alom hehehe Ilo leng lut a i ti lomom e.

    ReplyDelete
  16. A ni khop my. Thenkhat hi chu Pathian ang an nia.. thenkhat erawh mihring awm tha duh lo ang!

    ReplyDelete
  17. A dikin a ril khawp mai... I ngaihtuahchhuak tha thiam khawp..

    ReplyDelete
  18. chhiar a nuam kati lutuk. lo blog zel rawh.

    ka blog nen lo compare veteh.. :P

    thnks.

    http://siamspiration.blogspot.com/2008/04/allah-is-just-prayer-away.html

    ReplyDelete