04 July, 2009

No.52: Lengzem vrs Pathian hla

Tuntum pawh a trhing ring leh mai teh ang.Hei hi 7th August, 2006 khan misual.com ah ka post tawh a, a ngai ngaiin ka blog ah hian ka han post nawn leh e. Summer holiday kan nei bawk a, thla khat leh a chanve vel zet hnuah ka update leh theih chauh hmel. Zin hawn ah blog anlo block tawh loh ka beisei.

LENGZEM VRS PATHIAN HLA
Tunlai kan mizo zaithiam lar tak tak lengzem hla sa thin ten Pathian hla an han sa ta tliar tliar a, chutah lengzem hla an sak theih tawh loh thu sawiin an han tuihnih zel bawk a. Pianthar avanga lengzem hla ka sa thei tohlo antih avanga dem ngawt chi anni lova, chutiang bawkin piangthar tawh pawhin lengzem hla lo sa ta pawh nise dem chi anni chuang lo.

Tin, hun reiah lengzem hla bawk anlo sa leh anih pawhin keichu ka hrethiam reng mai. Pathian leh anmahni mimal inkar thu ani miau a. Mitinin Pathian kan rinna level a inang miau lova chutiang bawkin kan mizia, ngaihdan leh thlir dan a inang thei miau lo alawm.

Mizo culture-in a ken tel chu a huhova thil tih hi ani. Chumai bakah mite tih anga ti ve tur a intihluihna tel thin hian min ti luhlul zual mai mai niin ka hre ve thin. Mahse rinna hi ‘personal relationship’ ania, midang an tel ve lo. Pathian leh mimal inkar ani. Ka tan ’sual’ a ka ngaih miau chuan lengzem hla sak loh theih chu a tha lutuk tlat. Rinna a thanlenna zel ani. Amaherawhchu, mimal tan sual anih avang ngawt in midang tan sual ani ve kher lo thei tih hi pawm thiam tha ve mai maiin ka hria.

Kei pawh ka pianthar tirh chuan lengzem hla ka ngaihthlakin ka inthiamlo tlat zel mai a, ka rinna thanlen na a min daltu ani tih ka hriat avangin ka ngaithla lo mai ani. Heng hi mi min hriatpui theih chi anilo, keiman ka thinlung chhungrilah ka hre kiau a, ‘decision’ pawh keima siam ngei tur ani a siam pawh ka siam reng ani.

Kum tam tak alo liam ve ta a, tunah chuan lengzem hla ka ngaithlak pawh hian inthiamlohna leh sual riau a hriatna ka nei hran tawh lo. Avang chu lengzem hla ka ngaihthlak hian ka rinna a khawih buai phak tawh lo ani ti ila a sual lovang. A chang phei chuan a hla thu khan Pathian lam hawi riau a a atan liau liau ni a ngaihthlak chang ka nei bawk.

Amaherawhchu, keiin a sual lova ka ngaih avangin midang zawng zawng pawhin a sual lova ngai ve ngawt turah chuan ka dah lo. Thenkhat tan sual ani anga, thenkhat dang tan sual anilo mai. Kan rinna thanlenna kawnga kan mamawh ang zelin mimal tin hnenah a sual/suallo turin Pathianin min hriattir ah ka ngai.

Thian pakhatin a sawi kala hriat ve reng chu, carrom (board) pen hi sual ah ka ngai a ti ve tlat. Avang chu han pen khan penluh mai tum lovin midang sa tihchhiat tel pah kha kan tum ani si a, midangte tan a rilru thalo put na ani ati ve tlat. Khatih lai khan ka tan carrom pen hi sual a ka ngaih ve kher loh avangin ka inkhel thova, pen lo turin min phutin min tilui lem lova, a inkhel lo ve mai ani.

Khami hunlai kha a kalsan ve tawh nge sual ah ala ngai chhunzawm zel phei chu ka hre zui tawh lo. Heng te bakah hian thil dang dang ani thei ang. Kan rinna min ti thuanawp thei tu hrechiang ber tu chu keimahni bawk kan ni.

Mahse thil dang awm thei leh chu, kan thinlunga chhia leh tha hriatna haider luih hi a ani (hei hi kan zawm zawk tlangpui). Pathianin tuna kan thiante nen kan in be bawrh bawrh ang hian ‘aw’ in ka tana tha leh thalo chiang deuhin minlo hriattir lo. Mahse eng thil pawh nise chhia leh tha hriatna hmanga mimalin inthiamlohna riau kan neih pawh a kan haider a kan tih luih tlat thin hian ani kan nunin nghawng a neih thin ni.

Vawihnih..vawi thum kan haider a kan tihluih hnu ah phei chuan a awlsam zual chho zel a. Vawi engemawzat haider luih hnuah phei chuan inthiamlohna leh sual a ngaihna a bo thak thei.

Chuvangin, piangthar in lengzem hla sak hi a pawilo ani ti an awm pawhin pawmlo tawk an awm anga, a pawi ani ti an awm pawhin pawmlo tawk chu kan awm tho tho dawn. Tichuan midangin an tih ve leh ve lohah buai tam lo ila, Pathianin mimal tinte a kan zawm tur min hriattir zawm phawt mai hi a pawimawh ber chu ani. Pathianin ‘duhthlan theihna’ min pek pawimawh tak hi hmang thiamin dik taka hman tlan tum ila ava tha dawn em.

Engnge I ngaih ve dan le?

13 comments:

  1. Avang chu lengzem hla ka ngaihthlak hian ka rinna a khawih buai phak tawh lo ani ti ila a sual lovang.

    Amen!

    Hotunu, i post hi ka lo Post of the Week dawn nia aw...

    Keipawh, Metal hla te hi ka ngaithla nasa hle a, mahse engtikawng mahin min influence lo a ni.

    Carrom board example i rawn pek ang mai khian, mi zawng zawng hian ngaihdan kan nei veka, hei hi a dik ber pawh a ni chuanglo, leh Pathian ngaih dan a ni ve kherlo bawk.

    Lengzem music sawisel te pawh hi, han debate pui hi ka chak thei lutuk achangchuan. Lengzem music hi sual anga an ngaih ang tho hian, Kristian tam tak chuan keini biakina Pathian hla kan sak dan pawh hi sual ah an ngai ve tho a sin!!! Khuang vuak rik te, piano tum te hi an phal lo tawp. Kristian hla a nih chuan rock, pop, khuang vuak te a awm theilo an tia, Gregorian Chant style chauhva sak tur, music tel lovin an ti ve tho a sin! Hei hi Mizorama Lengzem sawisel te hnenah hrilh ta i la, an pawm ve mai a ngem?

    Nge an ngaihdan chauh kha a dik berah an ngai ang?

    ReplyDelete
  2. Bakah band pakhat ka ngaihsan pawl ber chu "Lordi" tih an nia, an mahni han en pawn, "Anti Christ" an tih ang deuh, ramhuailemma in chei hi an nia...

    Mahse ka ngaihsan na em em chu, an music a nalh ka tih mai bakah, Lordi hi "Anti Satan" band an nia, Khawvelah chuan tiang hi an tlem a sin! Pathian hi an sawichhe ngai lova, mahse Setana erawh chu an sawichhe reng mai. Insualah te pawh an cho vel a lawm. Bawn tawps. Kristian band engzah nge awm, Setan insualah cho hi??? Kristian band tamtak chuan Pathian that zia lam chauh an sa a (not that I am saying this is bad), mahse Setana hi chu an challenge ngai miahlo a sin.

    An hla pakhat "The Devil is a loser and he's my bitch" ah pawh khan Setana an sawichhe char char a lawm. Bawn tak an ni... Gospel hla a Pathian fak chu a tha ka ti thova, mahse Setana hetia han tih duhdah em em hi chu ngaihsan awm tak ka ti keichuan.

    ReplyDelete
  3. Last but not the least... ka latest post ah China lampang ka ziaka, i rawn comment ve theih chuan a lawmawm viau ang... english in a nih leh phei phei chuan a tha leh zual ang (ka guest writer leh visitors hovin an lo chhiar ve theih nan)

    :-)

    ReplyDelete
  4. Kei chu a pawina ka hre vak lo. Sawi fawn thlum lo mai teh ang. A sa tu thu thu ah ka dah mai

    ReplyDelete
  5. He thil hi nia, sawi a hlawh khawp mai a, kei chu love song hi ka ngaithla reng asin, a zo, a sap hian... sualah ka ngai hran lo a, tin, i sawi ang hian ka Rinna a ti nghing lo bawk, mahse ring thar ten tluk phah nana an hmang a nih chuan an tan ngaihthlak rih loh kha a him berin ka ring. Bible-ah pawh i kutin a tihtluk che chuan tan rawh a tih mai kha...

    Tin, Zu-te pawh hi kan bulah inhung reng mah se, kan in duh loh miau avangin kan tan thlemna a ni ngai lo ang, nimahsela zu in mi, piangthar hlim tan chuan dan zawh har thlemna chak tak a ni mek bawk...

    ReplyDelete
  6. Sawi vak tur pawh ka hre lo e a. Hla hi ka ngaithla khat em em a. Express Music phone ka lei ve a. Darkar 1 ka ngaihthlak pawh ka ring chiah lo. Hla chu ka dah ve teuh mai. Vai hla thlengin. Mah se Pathian hla 12 vel Palylist ah ka siam a random in ka ngithla zauh zauh thin.

    Lengzem hi a Pathian thu loh vang lam ni loin Daduhi tih loh phei hi chu ka ngaihthla han tih tur a ka play ka hre tlat lo. Hla deuha mi play erawh lengzem emaw Pathian hla emaw nalh ka lo ti thei raps. Chuvangin a sa tu chuan a duh duh a sa anga. Thlarau lam nuna inteh chiah pawh ka ngai vak chuang lo. Pathian hla ka ngaihthlak tak avanga ka thlarau mi viau na ka hre lo bawk.

    @illusionaire: Mahse Bro, i Gothic music min ngaihthlak tir erawh a zaia te an hmeltha, an rimawi erawh ka ril a rem chiah lo e :P

    ReplyDelete
  7. Lengzem hla hi sual-ah ka ngai lo. Ka ngaithla fo mai. Sual hmanrua erawh ani thei.

    Mahse, Ringtu tha takin, Pathian hla aia Lengzem a ngaithlak ngun zawk chuan ngaihtuahna ati thui deuh ang.

    ReplyDelete
  8. Hotunu chu update tawh har eeeeeeeeeee! :-(

    ReplyDelete
  9. ka rinna love song in a ti buai lo ti ho hi chu han chhut chiang ila rinna an lo nei vak thinlo anti

    ReplyDelete
  10. Engkim mai hi a ngaithlatu rilru a zir a ni e :-) Take me to your heart tih hla te hi Isua nen ngaihtuah kawp chuan hla tha deuh a sin.... Ka ngaihthlak lai takin kala chhiar zui a.

    Kan Lengzem hla te hi chutia thu dukdaklo emaw pawh a awmlo a inhmangaina emaw lunglen vang a phuah kha a ni ve mai a, hei hi mihring bung leh chang dik tak a ni hnawl chi a nilo! Robot ang mai a kan ngaihthlak leh tur zel kan in program chuan kan kal ut ut palh ang e :-)

    ReplyDelete
  11. In thil sawi chu chhunzawm a chakawm riauvin ka hria.. kan comment ve lawk aw......
    Lenzem hla sak hi sual a nih leh nih lovah mi tam tak an
    inhnial tawh a.. a tha titu ten an sawi thiam viau
    a.. tha lo titu lam te pawh an tang huai vak chuang
    lo...... sawi kual duah lo mai ila.. Pathianin
    a duh loh tawp tur thil a nih kei chuan ka ring nghet
    hmiah.. a chhan tam tak sawi tur a awm... tlem te
    han sawi ta ila...
    1. Love song reng reng hian khawvel thlir dan
    (philosophy) a nei vek a(a hla thute ngun takin
    ngihtuah ila), Pathian tel lova khawvel thlirna
    a ni tih a chiang hle.. hei hi sual a nihna chhan
    ber pawh a ni.
    2. Duh ber te neih leh tak loh avanga rilru natna
    ang chi te phuah chhuah a tam hle a... hei hi kan in
    tih lunglenna lar tak pawh a ni awm e.. Pathian
    remruatnaah in nghatin, lungawi mai ila... a tha
    mai tur....
    3. Hla tam tak chu ..Midangte tihelna emaw..sawichhiatna
    emaw itsikna emaw kawk tlat mai te an ni hlawm a.. Pathianin
    a duh ang em? sual a ni lovang maw?

    sawi tur a va tam em... duh tawk mai ang..
    love song hi ka do ta em em tihna a ni lo...
    tin hla ka hre tam em em bawk lova... ngaihdan
    kan sawi ve mai a ni e....

    ReplyDelete
  12. In chhiar chhuah vek ka beisei. Helai, "A chang phei chuan a hla thu khan Pathian lam hawi riau a a atan liau liau ni a ngaihthlak chang ka nei bawk" tih ka ziah khi inlo chhiar hmaih takin :) 2009 a ka ziah tawh mah ni se, tunah pawh (ngaithla ngai leh tawhlo mah ila), ngaithla leh ta pawh ni ila, inthiamlohna em em ka nei chuangin ka ring hauh lo. Mi in hmangaihna biahthu va hlan a an phuah/saka kha, kei chuan Pathian ka hmangaih a, ka ngai ngawih2 ang hian ka ngaithla mai thin ka tihna anih chu. Entirnan: 'Ka hmangaih che, ka ngai vawng vawng che' tih lenglawng hla lo ni ta se, thinlungah chuan 'Lalpa ka hmangaih che,ka ngai vawng vawng che' ti a, amah worship nan a tha riau asin.

    Hmangaihna thu inhrilh/hla a phuah/sak hi Pathian in a phal lo dawn em ni? Mihring leh mihring inkar pawh ni se. Hmangaihna Pathian ani miau si a, mahni mihring pui te hmangaih turin min zirtir mawlh mawlh bawk a.Bible a, Hla thlan khawm hi miin a thluk lo siam se, sa ta ila engnge kan ngaih dan tur? Chhiar kan mai chi em ni dawn le....a phena thu inthukru hrethiam ve manglo tan chuan chhiar pawhin thlum tak ani si a.

    Mahse ka sawi tawh ang khian, mimal rinna a thanlen dan a zir zel ani thei takzet. Mihring mizia, thinlung, ngaihtuahna, rilru sukthlek kan inang lo ang bawk hian, Pathianin min hrual dan pawh hi a inang lo tlangpui. Lengzem hla Kan ngaihthlak zawnga kan inthiamlo chem chem anih chuan, ngaihthlak loh rih kha a tha ber mai.

    1.Khawvel thlir dan pawh ni se, a laimu chu hmangaihna ani tho. Mi ka hmangaih a, ka ngai a, a bula awm ka thlahlel....chutiang zelin. Ngaihzawng neih a in express hi thu chauhin ami a sual lohna chu ni ta ang. A thluk kan han siam a, kan han sak kikawi tak chiah khan ami alo sual tak....tih te ka ngaihtuah neuh neuh.
    2. Duh ber te neih tak loh....tihlai khi chu...Pathian pawhin min duh ber a, keini zawk hi a hnawltu kan ni a, Pathian rilru nat zia kan hriat thiam ve deuh phah nan a tha mai lo maw.
    3. Midangte tihelna, sawichhiatna etc hi Mizo ina Lenglawng kan tih chhungah a huam tel em ka hre tlat lo. Lenglawng, lengzem, fakna hla etc bak hi sap hovin pop, rap, blue, R&B, rock etc genre/category hrang hrang an neih ang hming hi Mizo ah hian engnge a dang awm ka hre duh hle mai.

    ReplyDelete